Awa, Habon ku Past’i Djente (E-book, PDF)

$ 14.25

Bo gusta lesa kuentanan kómiko humorístiko? Bo gusta ‘chill’ despues di un dia pisá ku un bon buki ku ta pone bo relahá i drai bo motor imaginario? Si ta asina, awèl e buki aki lo ta tremendo p’abo. Lesa deskripshon i kontenido mas abou!

Cover design: Aymar Profas

Language: Papiamentu

165 página

Description

‘Awa, Habon ku Past’i Djente’ ta un buki di kuenta kòrtiku kómiko, ku ta basá riba bida real. Ta historianan ku ta pasa òf a yeg’i pasa den bida mi bida, i mi ta presentá esakinan dilanti, pa abo lesa i disfrutá di nan.

E buki ta un refleho di kiko ta nifiká ser un hende, no opstante kuantu bia nos ta purba na skonde e ser real ku nos ta, ku tur nos problema i retonan den bida, djis pa hende no mira kon bruá nos ta!

‘Awa, Habon ku Past’i Djente’ ta kontené 10 historia diferente, kada un riba su kurpa i kada un tin un historia úniko i impaktante su tras.

Título di e 10 historianan ta lo siguiente:

  • Amor real i maravioso
  • Morto Kachó
  • Tin un raton den mi kas
  • Un kasá religioso
  • Kosnan straño ku sa pasa
  • Bida di hende hòmber ta hopi duru!
  • Bo no stima mi
  • E sita kayente di Gino i Netty
  • Ta hende drechi mi ta
  • Mira saya laga para!

Atvertensha!
Si bo ta hende ku gusta kana ku kara zür riba hende, no gusta hari i gusta kana ‘hois’ bida di hende, e buki aki no ta p’abo. No lesa e buki, despues bin reklamá ku bo a hari, te haña doló di barika.

Si bo ta hende ku ta mas vírgen ku mama maria, esta ta spiritu santu so ta ‘limpia’ bo, òf bo ta sinti bo ofendí pa kontenidonan poko pikante, esta bo tin yu, pero bo no ke pa niun hende sa ku bo sa sèks, mihó bo keda leu. E buki ta pa esun ku sa kon pa disfrutá di arte ku mente habrí.

E buki aki ta skibí ku e meta pa duna bo mas gana di lesa. Ya kaba hopi hende ku nunka di nan bida no a yeg’i lesa un buki boluntariamente, a gust’é asina tantu, te ku nan ta kana ku e buki bou di nan brasa pa nan lesa na skol, trabou, na dòkter, den baño, den reunion i tin hende ta asta les’é den misa ora pastor su predikashi ta poko laf.

Klek aki pa un ‘preview’ di e buki: Awa, Habon ku Past’i Djente preview pdf

Hardcopy di e buki ta optenibel na Mensing’s Caminada i Bruna na rason di 50 florin, of manda un e-mail na lionel_326@hotmail.com pa bo hañ’e dirèkt serka mi!

 

Leave a Reply

Your email address will not be published. Required fields are marked *